​Մուրաբա ֆեյխոայից

Ֆեյխոան աչքի է ընկնում յոդի մեծ քանակությամբ, «ամենայոդային» պտուղն է, որը շատ լավ յուրացվում է օրգանիզմում: Ուստի շատ օգտակար է վահանաձև գեղձի հիվանդությունների դեպքում: Ի դեպ, ֆեյխոայի բաղադրության C վիտամինը հասունացմանը զուգընթաց ավելանում է:

Բաղադրությունը.

• 1 կգ ֆեյխոա,
• 1,5 կգ շաքարավազ (սառնարանում պահելու դեպքում` 1:1 հարաբերությամբ)

Պատրաստման եղանակը: Պտուղները լավ լվանալ, չորացնել, ապա հեռացնել պոչիկները: Մսաղացով աղալ ամենամանր անցքերով ու խառնել շաքարավազի հետ: Ի դեպ, այն ժամեր անց ավելի կթանձրանա: Կարելի է այդպես լցնել տարաների մեջ, սակայն, կարելի է 5 րոպե կրակին դնել եռացնել:

Ցանկության դեպքում կարող եք պահածոյացնել:

Ֆեյհոա է առաջարկվում.

• վահանաձև գեղձի հիվանդությունների,
• С վիտամինի անբավարարության,
• աթերոսկլերոզի կանխարգելման,
• ստամոքսաղիքային համակարգի ցածր թթվայնությամբ հիվանդությունների դեպքում:

Ունի ընդհանուր ամրապնդող ու տոնուսը բարձրացնող հատկություն:

Հարցեր, պատասխաններ, մեկնաբանություններ